Ինչպե՞ս կարող ենք մեզ մխիթարել․ ադրբեջանցի քաղաքական գործիչը՝ Ստեփանակերտի ցույցի մասին
Ադրբեջանցի ընդդիմադիր գործիչ Ալի Քարիմլին մեկնաբանել է երեկ Ստեփանակերտում տեղի ունեցած բազմահազարանոց հանրահավաքը՝ այն որակելով որպես «ռուս նահանգապետ Ռուբեն Վարդանյանի՝ Ադրբեջանի դեմ Ռուսաստանի հզորության ցույց»։
«Ստեփանակերտում նախորդ բազմամարդ հանրահավաքի ժամանակ մենք մեզ մխիթարում էինք այն փաստով, որ հանրահավաքի մասնակիցների մեծ մասը բերված էր Հայաստանից։ Բայց ինչպե՞ս կարող ենք մեզ մխիթարել հիմա։ Հիմա ճանապարհը փակ է, ցուցարարներին հնարավոր չէ դուրս բերել Հայաստանից. Ավելին, Խանքենդիում այս հանրահավաքը տեղի է ունեցել հենց Ռուբեն Վարդանյանի կոչով և ղեկավարությամբ, ում Ռուսաստանը ուղարկել է Ղարաբաղ»,- նշել է Քարիմլին։
Քաղաքական գործիչը Ալիևին մեղադրել է նաև Ղարաբաղի նկատմամբ իր քաղաքականության ձախողման մեջ, իսկ Ռուսաստանին՝ Արցախում «ակտիվ հայկական համայնք» ստեղծելու մեջ՝ Ռուբեն Վարդանյանի գլխավորությամբ, փոխանցում է Baghramyan26-ը։
