«Չենք պատրաստվում վազել Արևմուտքի հետևից»․ Լավրով
Արևմտյան երկրները շուտով կկորցնեն համաշխարհային տնտեսությունը ղեկավարելու իրենց կարողությունը, հայտարարել է Ռուսաստանի Դաշնության արտգործնախարար Սերգեյ Լավրովը ռուսական լրատվամիջոցների ղեկավարների հետ հանդիպման ժամանակ։
«Վստահեցնում եմ, որ մոտ ապագայում մենք ականատես կլինենք Արևմուտքի կարողությունների նվազմանը», - ասել է դիվանագետը։
Արտգործնախարարն ընդգծել է, որ Արևմուտքը խզել է Ռուսաստանի հետ գրեթե բոլոր հարաբերությունները։ Նրա խոսքով, Մոսկվան ունի մեկը, ում հետ պետք է համագործակցի տնտեսության, սոցիալական, մշակութային ու սպորտային ոլորտներում։
«Մեկ անգամ չէ, որ ասել ենք՝ չենք պատրաստվում վազել Արևմուտքի հետևից և կենտրոնանալու ենք նրանց վրա, ովքեր մեզ երբեք չեն հիասթափեցրել և ում հետ երբեմն հասել ենք շատ բարդ փոխզիջման: Արևմուտքի հետ ամեն ինչ ճիշտ հակառակն է»,- հավելել է Լավրովը:
