Ո՞ր երկրներն են դեմ քվեարկել ՄԱԿ-ի` ՌԴ-ի դեմ բանաձևին
Ղազախստանը դեմ է քվեարկել ՄԱԿ-ի բանաձևին, որը պահանջում է Ռուսաստանից դուրս բերել իր զինված ուժերը Ուկրաինայից։ Այս մասին այսօր՝ դեկտեմբերի 19-ին, հայտնել է Asia Plus լրատվական գործակալությունը, փոխանցում է eadaily.com-ը։
Գործակալության տվյալներով՝ Աստանան դա արել է առաջին անգամ՝ հատուկ ռազմական գործողության մեկնարկից ի վեր։ Փաստաթուղթը պարունակում է պահանջ՝ «անհապաղ դադարեցնել ռազմական ներխուժումը Ուկրաինա և անվերապահորեն դուրս բերել նրա բոլոր զինված ուժերը երկրի տարածքից»։ Բանաձեւի ընդունմանը կողմ է քվեարկել 82 երկիր, ձեռնպահ՝ 80, դեմ՝ 14 պետություն։ Դրանց թվում են Ռուսաստանը, Բելառուսը, Ղազախստանը, Չինաստանը, Իրանը, Հյուսիսային Կորեան, Սիրիան, Նիկարագուան, Էրիթրեան, Եթովպիան, Մալին, Սուդանը, Զիմբաբվեն և Կուբան։
