Արցախի հարցով Եվրախորհրդարանի 30 պատգամավորներ դիմել են Շառլ Միշելին և Ջոզեֆ Բորելին
Արցախի շրջափակման հարցով Եվրախորհրդարանի 30 պատգամավորներ դիմել են Շառլ Միշելին և ԵՄ-ի արտաքին քաղաքականության և անվտանգության հարցերով բարձր ներկայացուցիչ Ջոզեֆ Բորելին:
Այս մասին հայտարարել է Եվրախորհրդարանի ֆրանսիացի պատգամավոր և արտաքին հարաբերությունների հանձնաժողովի անվտանգության և պաշտպանության ենթահանձնաժողովի նախագահ Նատալի Լոիզոն։
«Իմ նախաձեռնությամբ՝ շուրջ 30 Եվրախորհրդարանի պատգամավորներ դիմել են Եվրոպական խորհրդի նախագահ Շառլ Միշելին և Գերագույն ներկայացուցիչ Ջոզեֆ Բորելին՝ Լեռնային Ղարաբաղի շրջափակման հարցով։ Մենք կոչ ենք անում արագ քայլեր ձեռնարկել բնակչության վիճակը մեղմելու համար»,- գրել է Լոիզոն Twitter-ի իր էջում:
