Ֆրանսիայում երիտասարդները անվճար պահպանակներ կստանան. Մակրոն

Ֆրանսիացի երիտասարդները եկող տարվանից կարող են անվճար պահպանակներ ստանալ՝ սեռական ճանապարհով փոխանցվող հիվանդությունների տարածումը նվազեցնելու նպատակով։ Այս մասին հայտարարել է Ֆրանսիայի նախագահ Էմանուել Մակրոնը, տեղեկացրել է Reuters-ը։

«Դեղատներում պահպանակները հունվարի 1-ից կլինեն ձրի 18-25 տարեկան անձանց համար»,- լրագրողներին երիտասարդության առողջությանը նվիրված միջոցառման ժամանակ ասել է Մակրոնը։

Առողջապահական մարմինների գնահատականներով՝ սեռական ճանապարհով փոխանցվող հիվանդությունների տարածման մակարդակը Ֆրանսիայում 2020 եւ 2021թթ. ավելացել է մոտ 30 տոկոսով։