«Եկեք սկսենք». ի՞նչ փաստաթղթեր է հրապարակել Մասկը
Միլիարդատեր Իլոն Մասկը Twitter-ի իր էջում հրապարակել է Twitter սոցիալական ցանցի ղեկավարության վրա ԱՄՆ իշխանությունների ճնշումն ապացուցող փաստաթղթեր։ Տեղեկատվությունը փոխանցում է regnum.ru-ն:
«Եկեք սկսենք»,- գրել է Մասկը՝ հղում անելով լրագրող Մեթ Թայբիի նյութին, որը ներառում է Twitter-ի ներքին փաստաթղթերը։ Ինչպես պարզաբանել է լրագրողը, 2020 թվականից իշխանությունների կողմից գրաքննության խնդրանքները դարձել են սովորական, հատկապես Դեմոկրատական կուսակցության կողմից։ Թայբբին նշում է, որ սոցցանցի ղեկավարությունը ստիպված է եղել օգտագործել հրապարակումները վերահսկող գործիքներ։ Քաղաքական պատվերով կարող էին ջնջվել ոչ միայն հրապարակումները, այլեւ Twitter-ի օգտատերերի էջերը։
Ղեկավարներից մեկը մյուսին գրել է.
«Նոր տվյալներ Բայդենի թիմից վերանայման համար»:
Սրա պատասխանը եղել է հետևյալը.
«Կատարված է»: Այս մասին գրել է Թայբին և գրառմանը կցել նամակագրության սքրինշոթները, որտեղ առկա է թվիթերի ցանկ, որոնք ենթակա են ջնջման։
