ՏԵՍԱՆՅՈՒԹ․ Ի՞նչ է կատարվում ինքնաթիռի կործանման վայրում․ Sputnik
Կոտայքի մարզի Ջրաբեր գյուղի մոտ գտնվող տարածքում, որտեղ այսօր ինքնաթիռ է ընկել ու բռնկվել, աշխատում են իրավապահները։ Sputnik Արմենիայի կադրերում երևում է, որ օդանավի բեկորներից դեռ ծուխ է դուրս գալիս։
Հիշեցնենք՝ ավելի վաղ հայտնել էինք, որ այսօր ժամը 14։20-ին Ճգնաժամային կառավարման ազգային կենտրոն տեղեկություն է ստացվել, որ Կոտայքի մարզի Ջրաբեր գյուղի տարածքում B55 տիպի ինքնաթիռն ընկել է և բռնկվել։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական երեք խումբ և Բժշկական ապահովման վարչության հերթապահ խումբը։
Տեղում հայտնաբերվել է 2 այրված դի։ Հրդեհը մարվել է ժամը 14։41-ին։
