ՊՍԺ-ի սեփականատերը խոսել է ակումբը վաճառելու լուրերի մասին

ՊՍԺ-ի սեփականատեր և նախագահ Նասեր Ալ-Խելայիֆին մեկնաբանել է այն շշուկները, որոնց համաձայն Կատարում ընթացող աշխարհի առաջնությունից հետո Qatar Sports Investments ընկերությունը կարող է վաճառել ֆրանսիական ակումբը, փոխանցում է Armsport.am-ը։ 

«Ինձ դա զվարճացնում է, նույնիսկ չգիտեմ՝ արդյոք արժե՞, որ ես անձամբ պատասխանեմ այդ հարցին: Դա ինձ կատակ է թվում, հասկանո՞ւմ եք: Սա միայն սկիզբն է QSI-ի, ՊՍԺ-ի և մեր ամբողջ նախագծի համար: Մենք մտադիր ենք անցնել երկրորդ փուլ, որտեղ արդեն անհավանական աճ կունենանք: Մեր թիմի համար ամենահետաքրքիր օրերը դեռ առջևում են:

Ներդրողների կողմից շատ մեծ հետաքրքրություն կա մեր թիմի նկատմամբ, սա ֆանտաստիկ է: Նրանք փոքր մասնաբաժիններ են ցանկանւոմ, մենք շատ բաց ենք շփվում: Այդ զրույցներում ակումբի գնահատականը գերազանցում է 4 մլրդ եվրո-ն: Մեր նպատակը թիմը վաճառելը չէ, սա պարզապես շուկայական գնահատական է: Սա անհավանական է: Մենք բրենդն ու բիզնեսը ստեղծել ենք զրոյից, իսկ հիմա տեսնում ենք մեր աշխատանքի արդյունքները: Հիշե՛ք՝ սա միայն սկիզբն է, մեր նախագիծն ամբիցիոզ է և երկարաժամկետ»,- Ալ-Խելայիֆիի խոսքերն է փոխանցում Marca-ն: