Ավարտվեց ԱԱ-2022-ի խմբային երկրորդ տուրի Հարավային Կորեայի և Գանայի հավաքականների միջև հանդիպումը։

Առաջին խաղակեսում գրանցվեց երկու գոլ․ 24-րդ րոպեին աչքի ընկավ աֆրիկյան թիմի ֆուտբոլիստ Սալիսուն։ Առաջին խաղակեսից հետո Գանան հաղթում էր 2-0 հաշվով։

Իսկ քիչ անց Ջորդան Այուի հրաշալի փոխանցումից հետո աչքի ընկավ Կուդուսը։

Երկրորդ խաղակեսում, 58-րդ րոպեին Չու Գուե Սունգը կրճատում է հաշվի տարբերությունը՝ աչքի ընկնելով քիչ առաջ փոխարինման դուրս եկած Լի Կանգ Ինի օգնությամբ։ Իսկ քիչ անց Չուն նաև հավասարեցնում է հաշիվը։

Սակայն Կուդուսը որոշեց ետ չմնալ Չուից և քիչ անց նա ևս դարձավ դուբլի հեղինակ․

Այս հանդիպումն այդպես էլ ավարտվեց՝ 3-2 հաշվով հօգուտ աֆրիկյան թիմի։ Գանացիներն այս խաղից հետո 3 միավոր ունեն իրենց ակտիվում, իսկ կորեացիները՝ մեկ միավոր։ Այսօր երեկոյան, Երևանի ժամանակով 23։00-ին կմեկնարկի այս խմբի մյուս հանդիպումը Պորտուգալիայի և Ուրուգվայի միջև։