ՏԵՍԱՆՅՈՒԹ․ Ցուցադրվել է «Հյուսիսային հոսք 2» գազատարի վնասված հատվածի ստորջրյա կադրերը

Դանիական լրատվամիջոցները ցուցադրել են «Հյուսիսային հոսք 2» գազատարի վնասված հատվածի ստորջրյա կադրերը։

Հիշեցնենք՝ դեռ ամիսներ առաջ վնասվել է «Հյուսիսային հոսք» գազատարը: Ռուսական կողմը պնդում է՝ հատուկ դիտավորությամբ արված պայթեցումներ են եղել, որոնց նպատակը ՌԴ-ին վնաս հասցնելն է:

Ռուս-ուկրաինական հակամարտության մեկնարկից ի վեր Ռուսաստանի և Եվրամիության միջև սկսվել է իսկական «գազային պատերազմ»։

2022 թվականի փետրվարից Ռուսաստանը հետևողականորեն նվազեցրել է գազի մատակարարումները Եվրոպական միություն՝ տարբեր պատճառներ օգտագործելով։

Ռուսական գազի պակասի պատճառով Եվրոպային սպառնում էր խոշոր էներգետիկ ճգնաժամի հեռանկարը, որը համեմատելի է 1970-ականների նավթային ճգնաժամի հետ։ Ըստ եվրոպացի քաղաքական գործիչների՝ ռուսական քաղաքականության նպատակն էր Եվրոպային ստիպել զիջումների գնալ Ուկրաինայի հարցում և հասնել Ռուսաստանի դեմ պատժամիջոցների մի մասի վերացմանը:

2022 թվականի օգոստոսի 31-ին «Գազպրոմը» հայտարարել է «Հյուսիսային հոսք 1» խողովակաշարի անորոշ ժամկետով դադարեցման մասին, որին նախորդել էին մի քանի ժամանակավոր անջատումներ և մղվող գազի ծավալի կրճատում: