Հայաստանն ի վիճակի չէ արգելափակել Զանգեզուրի միջանցքը, իսկ Իրանը դա չի անի․ Ալիև
«Զանգեզուրի միջանցքն ուղղված չէ որեւէ մեկի դեմ, այն օգուտ կբերի բոլոր շահագրգիռ կողմերին»: Այս մասին նոյեմբերի 25-ին հայտարարել է Ադրբեջանի նախագահ Իլհամ Ալիեւը «Միջին միջանցքի երկայնքով. աշխարհաքաղաքականություն, անվտանգություն եւ տնտեսագիտություն» միջազգային համաժողովում։
«Զանգեզուրի միջանցքը քննարկել ենք ռուս պաշտոնյաների հետ՝ իմ վերջին զրույցի ժամանակ։ Ես չեմ կարծում, որ Հայաստանն ի վիճակի է արգելափակել այս միջանցքը։ Ինչ վերաբերում է Իրանին, ապա կարծում եմ, որ նա էլ դա չի անի՝ հաշվի առնելով տարածաշրջանային հաղորդակցության նախագծերի նկատմամբ իր հետաքրքրությունը։ Որովհետև այդ նախագծերն ուղղված չեն որևէ մեկի դեմ, այլ, ընդհակառակը, միայն ի շահ բոլոր շահագրգիռ կողմերի»,- նշել է պետության ղեկավարը։
