Համաձայնեցվել է Հայաստանին օգնություն ցուցաբերելու մասին որոշման նախագիծը. Զաս
Երևանում Հավաքական անվտանգության պայմանագրի կազմակերպության արտաքին գործերի նախարարների, պաշտպանության նախարարների և Անվտանգության խորհուրդների քարտուղարների համատեղ նիստում ՀԱՊԿ գլխավոր քարտուղար Ստանիսլավ Զասը հայտարարեց, որ համաձայնեցվել է Հավաքական անվտանգության խորհրդի որոշման նախագիծը՝ Հայաստանին օգնություն ցուցաբերելու համատեղ միջոցառումների մասին:
Նրա խոսքով` նախագիծը պատրաստվել է ՀԱՊԿ դիտորդական առաքելությունների եզրակացությունների և առաջարկությունների հիման վրա։
