ՏԵՍԱՆՅՈՒԹ. Պայթյուն և հրդեհ Ստամբուլում. մանրամասներ
Ստամբուլի Ֆաթիհ թաղամասում պայթյուն է եղել, ինչից հետո մոտակայքում մի քանի ավտոմեքենա այրվել է։ Այս մասին հայտնում է Habertürk-ը։
Պայթյունը եղել է ավտոմեքենաներից մեկում, ինչից հետո, ըստ ականատեսների՝ կրակը մեկ մեքենայից տարածվել է մոտակայքում կայանված մեքենաների վրա։ Ըստ Haberturk-ի՝ հրդեհն արդեն մարվել է, սակայն պայթյունի ստույգ պատճառը հայտնի չէ։
Հնարավոր տուժածների մասին տվյալներ չկան։
Նշենք, որ Ֆաթիհը Ստամբուլի պատմական կենտրոնն է։
Նոյեմբերի 13-ին Ստամբուլի Իսթիքլալ զբոսաշրջային փողոցում պայթյուն է տեղի ունեցել, ինչի հետեւանքով վեց մարդ է զոհվել։ Երկրի գլխավոր դատախազությունը տեղի ունեցածն ահաբեկչություն է որակել։
