ՏԵՍԱՆՅՈՒԹ. Ինդոնեզիայում երկրաշարժի հետևանքով զոհերի թիվը գերազանցել է 160-ը
Ինդոնեզիայում տեղի ունեցած երկրաշարժի զոհերի թիվը հասել է 162-ի, Արեւմտյան Ճավա նահանգի իշխանությունների տվյալներով՝ նրանց մեծ մասը երեխաներ են, գրում է Euronews-ը:
Տարերքի ազդեցության հետեւանքով տասնյակ շենքեր են ավերվել։ Նրանց փլատակներում դեռ մարդիկ կարող են լինել։
Մինչև 5,6 մագնիտուդ ուժգնությամբ ցնցումների էպիկենտրոնը գտնվել է Ջակարտայից 70 կմ հարավ-արևելք՝ 5 կմ խորության վրա։
Ավելի քան 270 միլիոն բնակչություն ունեցող Ինդոնեզիան հաճախ է տուժում երկրաշարժերի, հրաբխային ժայթքումների և ցունամիների պատճառով: 2004 թվականին տեղի ունեցած հզոր երկրաշարժն ու ցունամին խլեցին գրեթե 230 000 մարդու կյանք:
