Երկու հրթիռ ընկել են արևելյան Լեհաստանի գյուղերից մեկի հացահատիկի չորանոցներ, որոնք գտնվում են Ուկրաինայի հետ սահմանին: Այսպիսի հայտարարություն է արել երեքշաբթի լեհական ZET ռադիոն՝ վկայակոչելով ոչ պաշտոնական աղբյուրները, գրում է ТАСС-ը։

Միջադեպը տեղի է ունեցել Լյուբելսկի վոյևոդության Պրժևոդով գյուղում։ Ռադիոկայանի տվյալներով՝ երկու մարդ մահացել է։ Դեպքի վայրում են ոստիկանությունը, դատախազությունը և բանակը։ 

Լեհաստանի կառավարության խոսնակ Պյոտր Մյուլլերը հայտնել է, որ վարչապետ Մաթեուշ Մորավիեցկին արտակարգ նիստ է հրավիրել կառավարության անվտանգության և պաշտպանության կոմիտեին։ ZET ռադիոկայանի փոխանցմամբ՝ խոսքը Լեհաստանի արեւելքում Ուկրաինայի սահմանի մոտ երկու հրթիռի ընկնելու մասին է, որոնց պատկանելությունը չի նշվում։ 

Համացանցում տեղեկություն է տարածվում այն մասին, որ հրթիռները կարող են լինել ռուսական, սակայն, ըստ ռուսական թելեգրամյան ալիքների` Ռուսաստանի համար անմիջական թիրախը Ուկրաինայի Կովել քաղաքում գտնվող ենթակառուցվածքն էր, որը գտնվում է միջադեպից 100 կիլոմետր հեռավորության վրա: 

«Ռուսական գերճշգրիտ հրթիռները չեն կարող այդքան մեծ շեղում տալ», - գրում է Война с фейками թելեգրամյան ալիքը։