Եվգենի Պրիգոժինը դիմել է դատարան «ՉՎԿ Վագների» հարցով
Գործարար Եվգենի Պրիգոժինը փորձում է դատական կարգով վիճարկել «Գոսստրոյնադզոր»-ի որոշումը, որով թույլ չի տրվել շահագործման հանձնել Սանկտ Պետերբուրգում գտնվող «ՉՎԿ Վագների» կենտրոնը։ Այս մասին հայտնում է Պրիգոժինի «Конкорд» ընկերության մամուլի ծառայությունը գրում է RTVI-ը։
Դատելով հրապարակված փաստաթղթից՝ վերահսկող մարմինն իր մերժումը հիմնավորել է նրանով, որ կենտրոնի շենքը չի համապատասխանում այն հողամասի վարձակալության պայմաններին, որի վրա կառուցված է։ «Конкорд» -ի մամուլի ծառայության մեկնաբանության մեջ նշվում է, որ դա «անհիմն և անօրինական է», քանի որ վարձակալության պայմանագիրը թույլ է տալիս լրացուցիչ վճարի դիմաց փոխել օբյեկտի տարածքը:
««Ռիթեյլ» ԲԲԸ-ն տարածքի ավելցուկի համար վճարել է քաղաքի գանձարան՝ պայմանագրով սահմանված կարգով և ժամկետներում ամբողջությամբ։ Բոլոր պարտավորությունները ներդրողի կողմից կատարվել են»,- նշվում է մամուլի ծառայության հաղորդագրությունում։
Շինարարության պետական վերահսկողության մարմնի կողմից մերժման հնարավոր պատճառների մասին հարցին մամուլի ծառայությունից պատասխանել են, որ այս որոշումը կարող է պայմանավորված լինել «գաղափարական պատճառներով», քանի որ «շենքի կառուցման բոլոր թույլտվությունները ստացվել են»։
«Конкорд»-ի մեկնաբանության մեջ նշվում է նաև, որ դատարան է ներկայացվել «... իրավունքների պաշտպանության և վերականգնման» հայցը։
«Եթե նահանգապետ Ալեքսանդր Բեգլովի և Սանկտ Պետերբուրգի պետական իշխանության գործադիր մարմինների այլ պաշտոնյաների գործողություններում հանցակազմը հաստատվի, մենք կգործենք նման դեպքերի համար նախատեսված կարգով»,- զգուշացրել են մամուլի ծառայությունից։
«ՉՎԿ Վագների» կենտրոնը բացվել է նոյեմբերի 4-ին: Այն գտնվում է Սանկտ Պետերբուրգում մետրոյի «Նովոչերկասկայա» կայարանի մոտ՝ նախկին «Ծովային մայրաքաղաք» հասարակական և բիզնես համալիրի հրապարակներում։
Պրիգոժինի խոսքերով, ով ներկայանում է որպես «ՉՎԿ Վագների» հիմնադիր, կենտրոնը ստեղծվել է «հարմարավետ միջավայր ստեղծելու, նոր գաղափարների գեներացման համար՝ Ռուսաստանի պաշտպանունակությունը բարձրացնելու նպատակով, այդ թվում՝ տեղեկատվական»: