«Republic» լրատվականի գլխավոր խմբագրի նկատմամբ հետախուզում է հայտարարվել
«Republic» լրատվականի (Ռուսաստանի Դաշնությունում օտարերկրյա գործակալ ճանաչված և արգելափակված) գլխավոր խմբագիր Դմիտրի Կոլեզևի նկատմամբ քրեական գործ է հարուցվել, նա հետախուզման մեջ է, գրում է Interfax-ը։ Միաժամանակ չի նշվում, թե Քրեական օրենսգրքի որ հոդվածով է հետախուզվում լրագրողը։ Մարտի սկզբին Կոլեզևը հայտարարեց Ռուսաստանից հեռանալու մասին։ Նրա խոսքով՝ որոշումը կայացվել է Ուկրաինայի տարածքում իրադարձությունների մեկնարկից հետո։
