Իրանում ահաբեկչություն կատարողը ադրբեջանցի է․ ինչ են գրում իրանական թերթերը
Իրանական «Vatan-e-Emruz» թերթը առաջին էջում տեղադրել է «Ահաբեկչություն Շահ -Չերախում Բաքվի ԴԱԻՇ-ի գլխավորությամբ» վերնագրով հոդվածը.
Հիշեցնենք, որ Իրանի Իսլամական Հանրապետության տեղեկատվության և ազգային անվտանգության նախարարությունը հայտնել էր, որ Շահ Չերախում ահաբեկչության ղեկավարն ու համակարգողը Ադրբեջանի քաղաքացի է, ով Իրան է ժամանել Բաքվից։ Հանցագործության բոլոր մասնակիցները ԴԱԻՇ-ի անդամներ են Ադրբեջանից, Տաջիկստանից և Աֆղանստանից։
Դեռ երեկ գրել էինք, որ Շիրազ քաղաքի Շահ-Չերախի դամբարանում ահաբեկչությունը նախապատրաստել է Ադրբեջանի քաղաքացին։ Այս մասին այսօր հայտարարել է Իսլամական Հանրապետության հետախուզության նախարարությունը:
«Երկրում ահաբեկչական խմբավորման գործողությունների հիմնական կազմակերպիչը և համակարգողը Ադրբեջանի քաղաքացին էր, ով Թեհրան ժամանելուն պես անմիջապես կապ է հաստատել Աֆղանստանում ԻՊ խմբավորման ներկայացուցիչների հետ և տեղեկացրել նրանց, որ գտնվում է Իրանում։ Մզկիթի ահաբեկչությունը կազմակերպած խմբավորման մեջ եղել են նաև Աֆղանստանի և Տաջիկստանի քաղաքացիներ»,- նշված է հայտարարությունում։
Շահ-Չերախի դամբարանի վրա հարձակման կազմակերպմանը մասնակցելու կասկածանքով ընդհանուր առմամբ բերման է ենթարկվել 26 մարդ։ Նրանք բոլորը Ադրբեջանի, Տաջիկստանի և Աֆղանստանի քաղաքացիներ են։
Հիշեցնենք` հոկտեմբերի 26-ին երեք անհայտ անձ կրակ է բացել Շիրազում Շահ Չերախի դամբարանի վրա:
