Գերմանիայի կենդանաբանական այգիներում ճգնաժամ է․ կենդանիներին տաքացնել չի հաջողվում
Էներգիայի թանկացումն ու ընդհանրապես գնաճը ազդել են նաև Գերմանիայում կենդանաբանական այգիների վրա, նրանցից ոմանք ստիպված են եղել լրացուցիչ խնայողությունների միջոցներ ձեռնարկել, մյուսները ստիպված են եղել դրամահավաք հայտարարել՝ այնտեղ բնակվող կենդանիների ջերմություն ապահովելու համար,
Երկրում իրավիճակն այնքան է վատթարացել, որ երկրի բնակիչներից շատերը, ովքեր ընտանի կենդանիներ են պահում սկսել են հրաժարվել նրանից՝ նրանց տալով հատուկ կենտրոնների: Այս մասին գրում է ՌԻԱ Նովոստին։
Ներկայիս ճգնաժամի ֆոնին ամենաշատը տուժել է Դրեզդենի կենդանաբանական այգին։ Նոյեմբերի 1-ից այգին ստիպված էր փակել տերարիումը ջեռուցման «հսկայական» ծախսերի պատճառով։
«Մխիթարությունն այն է, որ տերարիումի որոշ սողուններ կփրկվեն, քանի որ նրանք մեզ հետ կտեղափոխվեն օրանգուտանների նոր տուն: Այն տեսակները, որոնք չեն կարող մեզ հետ մնալ կենդանաբանական այգում, կտեղափոխվեն այլ վայրեր», - ասացին կենդանիների իրավունքների հարցերով կազմակերպությունից։
Ինչպես ՌԻԱ Նովոստիին բացատրել են նրա ներկայացուցիչները, նրանք ստիպված են եղել բաժանվել 10 տեսակի սողուններից և մոտ 25 տեսակի ձկներից։ «Բոլոր կենդանիներն արդեն ունեն նոր խնամակալներ»,- ասել է աղբյուրը՝ հավելելով, որ նոր տերերը գտնվում են ոչ միայն Գերմանիայում, այլև ԵՄ այլ երկրներում։
Բեռլինի երկու կենդանաբանական այգիները, այդ թվում՝ Գերմանիայի ամենահին կենդանաբանական այգին, ինչպես նաև մայրաքաղաքի Ակվարիումը, ձմռան նախաշեմին դրամահավաք են հայտարարել։
«Էներգիայի ծախսերի աճն իսկապես լուրջ խնդիր է Բեռլինի կենդանաբանական այգու, Բեռլին-Ֆրիդրիխսֆելդե կենդանաբանական այգու և ակվարիումի համար», - ասել է կազմակերպությունների խոսնակ Սվենյա Էյզենբարտը։
Կենդանաբանական այգիների կայքերը պարբերաբար հրապարակում են այն մասին, որ շուտով ընձուղտները, գետաձիերը և այլ կենդանիներ կանգնած են մեծ վտանգի առաջ, նրանք սառում են։
«Գետաձին կարող է գոյատևել ակվարիումում միայն 17 աստիճանից ցածր ջերմաստիճանում կարճ ժամանակով»,- ասում է Էյզենբարթը և ընդգծում, որ ընձուղտների համար նույնպես չեն կարող երկար ժամանակ ջերմաստիճանը ցածր պահել:
Ակվարիումի համար շատ սուր է դրված նաև ջրի ջերմաստիճանի պահպանման հարցը։
«Չնայած իրենց հաստ թեփուկներին, ակվարիումի կենդանիների մեծ մասը տաք ջրի կարիք ունի ամբողջ տարին: Մենք անում ենք ամեն ինչ, որպեսզի ծաղրածու ձկները, կոկորդիլոսները և այլ կենդանիներ չսառչեն նույնիսկ այս դժվարին ժամանակներում», - ասել է նա։
