Դա բավարար չէ․ ուկրաինացի փախստականները դժգոհ են Նոր Զելանդիայի իշխանություններից
Ուկրաինացիները Նոր Զելանդիայից ավելի շատ գումար ու նպաստ են պահանջել։
Նոր Զելանդիայում ուկրաինամետ կազմակերպության ակտիվիստները երկրի իշխանություններից պահանջել են ընդլայնել ֆինանսական և բժշկական աջակցությունը Ուկրաինայից փախստականներին, հայտնում է RNZ ռադիոն։
Ըստ Mahi for Ukraine («Գործողություն Ուկրաինայի համար») կազմակերպության՝ Նոր Զելանդիայի իշխանությունների օգնությունն այնքան էլ բավարար չէ, որ որոշ փախստականներ վերադարձել են իրենց հայրենիք։ Ակտիվիստները կոչ են արել իշխանություններին ընդլայնել ֆինանսական և բժշկական աջակցությունը ուկրաինացիներին, ինչպես նաև օգնել նրանց համար կազմակերպել անգլերենի դասընթացներ։
«Mahi for Ukraine»-ի համահիմնադիր, ուկրաինական ծագում ունեցող Քեյթ Տուրսկայան RNZ-ին ասել է, որ տեղյակ է փախստականների առնվազն երեք դեպքի մասին, որոնք տուն են վերադարձել Նոր Զելանդիայում հաստատվելու փորձից հետո: «Դա չափազանց հիասթափեցնող է», - ասել է նա:
Տուրսկայայի խոսքերով, ուկրաինացիների համար հատուկ երկամյա վիզաները, որոնք ներկայացվել են մարտին, ավելի շատ աշխատանքային, քան հումանիտար վիզա են, և գործընթացը չի ուղեկցվում «համապարփակ աջակցությամբ», որը, օրինակ, Ավստրալիայում է: «Մենք պարզապես զգում ենք, որ դա բավարար չէ»,- ասել է ակտիվիստը։
