Թուրքիայում միգրանտներ տեղափոխող ավտոբուս է շրջվել

Թուրքիայի Բոլու քաղաքում միգրանտներ տեղափոխող ավտոբուսի վթարի հետևանքով զոհվել է երեք մարդ, ևս 32-ը վիրավորվել են։ Այս մասին հայտնում է РИА Новости-ն՝ հղում անելով երկրի առողջապահության նախարար Ֆախրեթին Քոջային։

 

«Բոլուի մայրուղու վրա ավտոբուսի շրջվելու հետևանքով մահացել է երեք մարդ: Տուժել է 32 մարդ, որոնցից երկուսի վիճակը ծանր է։ 27 հոգի դեռ բուժվում է»,- ասել է նախարարը։

 

Նա նաև ցավակցություն է հայտնել զոհվածների ընտանիքներին, իսկ վիրավորներին մաղթել շուտափույթ ապաքինում։

 

 

Քաղաքականություն

Պատահարներ