Հյուսիսային Կորեան մինչև 10 հրթիռ է արձակել Հարավային Կորեայի ուղղությամբ
Հյուսիսային Կորեան առնվազն երեք տարբեր տեսակի հրթիռներ է արձակել դեպի Ճապոնական և Դեղին ծովեր։ Այս մասին հայտնում է ТАСС-ը` հղում անելով Yonhap գործակալությանը։
Նշվում է, որ հրթիռներն ընկել են առաջին անգամ Հարավային Կորեայի ծովային ջրերին շատ մոտ` Սոկչո քաղաքից 57 կիլոմետր հեռավորության վրա։ Առափնյա պահպանությունը զգուշացնում է հրթիռների բեկորների հետ նավերի բախման վտանգի մասին։
ԿԺԴՀ-ի կողմից հրթիռների արձակման մասին հաղորդումներից հետո Ճապոնիան Ազգային անվտանգության խորհուրդ է հրավիրում:
Որոշ տեղեկությունների համաձայն՝ հրթիռների թիվը կարող է հասնել 10-ի։
Ինչպես հայտնում է ТАСС-ը, հղում անելով Reuters-ին, Հարավային Կորեան «օդ-երկիր» հրթիռներ է արձակել՝ ի պատասխան Հյուսիսային Կորեայի գործողությունների։
