Արսենալը ցանկանում է ձեռք բերել Բրեդլի Բարկոլային

Լոնդոնի «Արսենալը» նպատակադրվել է գնել ֆրանսիական ՊՍԺ-ի եզրային հարձակվող Բրեդլի Բարկոլային։

«Զինագործները» մտադիր են Ֆրանսիայի չեմպիոնին 80 միլիոն եվրոյի պաշտոնական առաջարկ ներկայացնել ֆուտբոլիստի տրանսֆերի համար։ Այս տեղեկությունը հայտնում է լրագրող Էքրեմ Քոնուրը։ Շեշտվում է, որ 23-ամյա ֆրանսիացի խաղացողի ծառայություններով մեծապես հետաքրքրված են նաև եվրոպական մի շարք այլ առաջատար ակումբներ։ 

Բարկոլային իրենց ուշադրության կենտրոնում են պահում անգլիական «Լիվերպուլը», «Մանչեսթեր Սիթին», «Մանչեսթեր Յունայթեդն» ու «Չելսին», ինչպես նաև Մյունխենի «Բավարիան» և կատալոնական «Բարսելոնան»։ 2025/26 մրցաշրջանում Բարկոլան փարիզյան թիմի կազմում բոլոր մրցաշարերում միասին հանդես է եկել 49 խաղում՝ դառնալով 13 գոլի և 7 գոլային փոխանցման հեղինակ։