Թայվանում բարկացել են Պուտինի հայտարարություններից. ԱԳՆ-ն «վճռական բողոք» է հայտնում

Թայվանի արտաքին գործերի նախարարությունն իր երկիրն ինքնիշխան է համարում և «վճռական բողոք» է հայտնում կղզու կարգավիճակի վերաբերյալ Ռուսաստանի նախագահ Վլադիմիր Պուտինի ելույթի կապակցությամբ: Այս մասին հայտնել Է գերատեսչության կայքը: Տեղեկատվությունը փոխանցում է iz.ru-ն:

«Չինական կոմունիստական ռեժիմը ոչ մի օր չի ղեկավարել Թայվանը և չունի ինքնիշխանություն Թայվանի նկատմամբ։ Թայվանի ապագան պետք է որոշվի նրա 23,5 միլիոն բնակիչներով, եւ Թայվանի կառավարությունն ու ժողովուրդը չեն զիջի Չինաստանի տոտալիտար կառավարության ռազմական, քաղաքական եւ տնտեսական հարկադրանքին», — արձագանքել են ԱԳՆ-ում այդ հայտարարությանը:

Միևնույն ժամանակ, Թայվանում վստահ են, որ Մոսկվան միտումնավոր օգտագործում է թայվանական հարցը որպես առիթ՝ շփոթեցնելու միջազգային լսարանին և ուշադրությունը շեղելու Ուկրաինայի հակամարտությունից։ Թայբեյը նաև խոստացել է շարունակել աջակցել Ուկրաինային և օգնել ուկրաինացի ժողովրդին։

Հիշեցնենք` Ռուսաստանի նախագահ Վլադիմիր Պուտինը «Վալդայ» միջազգային բանավիճային ակումբի լիագումար նիստում հայտարարել էր, որ Ռուսաստանը Թայվանը համարում է ՉԺՀ-ի անբաժանելի մասը, իսկ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի այցը կղզի սադրանք է: