Իրանի պետական հեռուստաալիքը տեսանյութ է ցուցադրել, որն Ադրբեջանում դժգոհություն է առաջացրել
Իրանի պետական Sahar TV հեռուստաալիքը տեսանյութ է ցուցադրել, որը դժգոհություն է առաջացրել Ադրբեջանում։ Տեսանյութում ցուցադրված են Իրանի և Ադրբեջանի սահմանների մոտ Իսլամական հեղափոխության պահապանների կորպուսի զորավարժությունների կադրերը, փոխանցում է Armenia today տելեգրամ ալիքը։ Դրանք ուղեկցվում են Իսրայելին և Ադրբեջանին ուղղված խոսքերով:
«Իրանը դա հայտարարում է, որպեսզի Ադրբեջանը իմանա և հասկանա՝ յուրաքանչյուր ոք, ով սխալ է նայում Իրանին, պետք է ոչնչացվի»,- ասվում է տեսանյութի տեքստում։
CaucasusWarReport հետախուզական խումբը հայտարարել է, որ «սպառնալիքը նախ բացահայտ հնչեցվել է իրանական կառավարական Sahar հեռուստաալիքով, որի հիմնական լսարանը իրանցի ադրբեջանցիներն են»։
