Գվինեա-Բիսաուի նախագահը Զելենսկուն «մեսիջ» է փոխանցել Պուտինից
Գվինեա-Բիսաուի նախագահ Ումարու Շիսոկու Էմբալոն Կիևում Ուկրաինայի նախագահ Վլադիմիր Զելենսկու հետ հանդիպման ժամանակ բանավոր ուղերձ է հղել ՌԴ նախագահ Վլադիմիր Պուտինից, գրում է Lenta. ru-ն:
էմբալուն Կիևում կայացած մամուլի ասուլիսում Զելենսկուն ասել է, որ Մոսկվա կատարած այցի ժամանակ Պուտինը խնդրել է նրան «մեսիջ» փոխանցել:
«Երեկ ես Ռուսաստանում էի նախագահ Պուտինի հետ։ Նա ինձ խնդրեց, որ քեզ հաղորդագրություն տամ, քեզ հետ խոսեմ»։
Ուղերձը, ըստ Էմբալոյի, այն է, որ ռուս-ուկրաինական բանակցություններն անհրաժեշտություն են։ Նա հավելել է, որ երկխոսությունը հատկապես անհրաժեշտ է Աֆրիկա սննդամթերքի մատակարարումը շարունակելու համար։
Ի պատասխան՝ Զելենսկին ասել է, որ բանակցությունների համար անհրաժեշտ է «ենթակառուցվածքը չպայթեցնել»։
