ՀՀ 4 նախագահները ինստագրամում պաշտոնական էջեր ունեն. ով է ամենաակտիվը

PR մասնագետ Հասմիկ Հարությունյանը ֆեյսբուքյան իր էջում գրել է.

«Եթե մի քանի տարի առաջ ասեին, որ ՀՀ որևէ նախագահ՝ ներկա կամ նախկին Ինստագրամում պաշտոնական էջ կունենա, նորությունը կդիտարկվեր ֆանտաստիկայի ժանրից։ Բայց ժամանակի հետ նաև քաղաքական գործիչների դիրքորոշումն է փոխվում ու   PR  թիմին տրվում է աշխատանքի ավելի լայն հնարավորություններ ու բազմազան հարթակներ։

Այսօր ՀՀ նախկին 4 նախագահները Ինստագրամում պաշտոնական էջեր ունեն։
 

Ամենամեծ լսարանն ունի Արմեն Սարգսյանը՝ 90.600 հետևորդ։
Ռոբերտ Քոչարյանը՝ 42.300
Սերժ Սարգսյանը՝ 32.700
Լևոն Տեր-Պետրոսյանը՝ 400

Նախկին նախագահներից ամենաակտիվը Ռոբերտ Քոչարյանն է. կատարել է 738 գրառում, ամենապասիվը՝ Սերժ Սարգսյանը՝ 62 գրառում։

Լևոն Տեր-Պետրոսյանի էջում հիմնականում արխիվային լուսանկարներ են ու հուշեր։ Մնացած երեք նախկին նախագահների էջերում բացի արխիվային լուսանկարներից ու հուշերից, կան նաև առօրյա, ընտանեկան ու աշխատանքային լուսանկարներ։

ՀՀ ներկայիս նախագահ Վահագն Խաչատուրյանն Ինստագրամում էջ չունի, իսկ Արմեն Սարգսյանը հրաժարականից հետո էլ Ինստագրամի էջի անունը չի փոխել և ներկայանում է որպես Նախագահ Արմեն Սարգսյան»։