Ալիևը հստակ նշել է, որ սահմանային փոփոխությունների նպատակներ չունի. Աբդոլլահիան
Ադրբեջանի նախագահ Իլհամ Ալիևը Իրանի ղեկավարության հետ հանդիպման ժամանակ հստակ նշել է, որ տարածաշրջանում աշխարհագրական ու սահմանային փոփոխությունների նպատակներ չի հետապնդում։ Այդ մասին Երեւանում կայացած ճեպազրույցում ասել է Իրանի արտգործնախարար Հոսեյն Ամիր Աբդոլլահիանը։
«Մենք ամենաբարձր մակարդակով համապատասխան զգուշացում ենք ուղարկել տարածաշրջանային, աշխարհաքաղաքական խնդիրների, ինչպես նաեւ սահմանների փոփոխության հետ կապված։ Իրանն ունի նրանց խոչընդոտելու եւ նման ցանկացած գաղափարի իրականացմանը դեմ կանգնելու հնարավորություն»,- հավելել է նա։
Հիշեցնենք, որ այսօր տեղի է ունեցել ՀՀ ԱԳ նախարար Արարատ Միրզոյանի և ԻԻՀ ԱԳ նախարար Հոսեյն Ամիր Աբդոլլահիանի ընդլայնված կազմով հանդիպումը։
