«Այսօր ԵՄ-ից տեխնիկական խումբ կժամանի Հայաստան». փոխարտգործնախարար
Այսօր՝ հոկտեմբերի 13-ին, լրագրողների հետ զրույցում ՀՀ արտաքին գործերի փոխնախարար Պարույր Հովհաննիսյանը հայտարարեց, որ Եվրոպական միությունից այսօր տեխնիկական խումբ կժամանի Հայաստան:
Թե որտեղ է տեղակայվելու ԵՄ քաղաքացիական առաքելությունը՝ դեռ հստակ որոշված չէ.
«Այսօր կժամանի տեխնիկական խումբը, կքննարկվի նաև այդ հարցը», - նշեց Հովհաննիսյանը:
Դիտարկմանը, թե ՀԱՊԿ-ն էլ է առաջարկել դիտորդներ ուղարկել հայ-ադրբեջանական սահմանին, որի՞ն կտրվի նախընտրությունը՝ փոխնախարարն արձագանքեց.
«Մենք բաց ենք բոլոր այն առաջարկների համար, որոնց շնորհիվ կամրապնդվի մեր անվտանգությունը, որ խուսափենք այն իրավիճակից, որն ունեցանք սեպտեմբերին»:
Հիշեցնենք՝ երեկ ՀՀ արտգործնախարար Արարատ Միրզոյանը ՌԴ պաշտոնակցի հետ բանակցությունների ընթացքում նեց, որ Եվրոպական միությունը որոշել է առաքելություն ուղարկել Հայաստանի և Ադրբեջանի սահմանին։
