Եթե ՌԴ-ն միջուկային հարված հասցնի Ուկրաինային, Ֆրանսիան միջուկային զենք կօգտագործի՞. Մակրոնը պատասխանել է
Ֆրանսիայի նախագահ Էմանուել Մակրոնը France 2 հեռուստաալիքին տված հարցազրույցում հայտարարել է, որ Ֆրանսիան միջուկային զենք չի օգտագործի Ռուսաստանի դեմ, եթե այդ երկիրը միջուկային հարված հասցնի Ուկրաինային. դա չի համապատասխանում Ֆրանսիայի միջուկային դոկտրինի դրույթներին։
«Մեր դոկտրինը հիմնված է ազգի հիմնարար շահերի վրա, և դրանք շատ հստակ սահմանված են, սա զսպման քաղաքականություն է»,- ասել է նախագահը:
Լրագրողի հարցին՝ արդյոք դա նշանակո՞ւմ է, որ Ֆրանսիան միջուկային պատասխան չի տա Մոսկվային, Մակրոնը պատասխանել է՝ ակնհայտ է։
