Քաղաքականություն

Զինված բախումները կանխելու համար կոչ է արվում գործարկել ՀԱՊԿ մեխանիզմներ

Զինված բախումները կանխելու համար կոչ է արվում գործարկել ՀԱՊԿ մեխանիզմներ
Ղրղզստանի ԱԳ նախարարի առաջին տեղակալ Նուրան Նիյազալիևը Երևանում ՀԱՊԿ անդամ երկրների փոխարտգործնախարարների հանդիպմանը կոչ է արել գործարկել ՀԱՊԿ մեխանիզմներ, որոնք կկանխեն կազմակերպության անդամների…

Ղրղզստանի ԱԳ նախարարի առաջին տեղակալ Նուրան Նիյազալիևը Երևանում ՀԱՊԿ անդամ երկրների փոխարտգործնախարարների հանդիպմանը կոչ է արել գործարկել ՀԱՊԿ մեխանիզմներ, որոնք կկանխեն կազմակերպության անդամների միջև զինված հակամարտությունները։ Այս մասին հայտնում է Ղրղզստանի ԱԳՆ-ն։ 

«Նուրան Նիյազալիևը խորհրդակցությունների մասնակիցներին տեղեկացրել է Ղրղզստանի դեմ Տաջիկստանի Հանրապետության ռազմական ագրեսիայի հետևանքների մասին և կողմերին կոչ է արել հնարավորինս շուտ գործարկել ՀԱՊԿ մեխանիզմները՝ հետագա զինված ներխուժումը կանխելու և պետությունների միջև բոլոր տարաձայնությունները լուծելու համար խաղաղ միջոցներով՝ Հավաքական անվտանգության պայմանագրին և ՀԱՊԿ կանոնադրությանը համապատասխան»,- ասվում է հաղորդագրության մեջ։ 

Նշվում է, որ Նիյազալիևն առաջարկել է ընդունել համատեղ հայտարարություն և լրացումներ կատարել ՀԱՊԿ կանոնադրական փաստաթղթերում։  

ՀԱՊԿ երկրների փոխարտգործնախարարները մտքեր են փոխանակել նաև անվտանգության արդի հարցերի շուրջ և ընդգծել նոր մարտահրավերներին ու սպառնալիքներին համատեղ դիմակայելու կարևորությունը։  

Հիշեցնենք` Ղրղզստանի և Տաջիկստանի սահմանին իրավիճակը սրվել է սեպտեմբերի 14-ին. մի քանի օր շարունակ բախումներ են եղել սահմանապահների միջև ծանր զինատեսակների կիրառմամբ։ 


 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7986) Միջազգային (3512) ԱՄՆ (2356) Ռուսաստան (2230) Իրան (1778) Ընտրություններ (1280) Ուկրաինա (897) Երևան (818) Իսրայել (764) Ադրբեջան (673) Փաշինյան (580) Եվրոպա (528) Ազգային ժողով (485) Ընդդիմություն (478) Թրամփ (447)

Radio Aurora

Լսել Radio Aurora

Գովազդային տարածք

300x250