«Թայվանի շուրջ հակամարտությունն անխուսափելի է». Մասկ
Բայդենը չափազանց ծեր է երկրորդ ժամկետով առաջադրվելու համար: Այս մասին «Financial Times» թերթին տված հարցազրույցում հայտարարել է ամերիկացի ձեռնարկատեր Իլոն Մասկը։
Հիշեցնենք, որ Բայդենը ամերիկացի իրավապաշտպանի հետ մասնավոր զրույցում խոստովանել էր, որ ցանկանում է առաջադրվել երկրորդ ժամկետով: Ավելի ուշ նրա ծրագրերը հաստատել են Սպիտակ տանը։
Հարցազրույցում Մասկը նաև հայտարարել է, որ Թայվանի շուրջ հակամարտությունն անխուսափելի է, և առաջարկել է այն կանխելու համար կղզին Չինաստանի Ժողովրդական Հանրապետության հատուկ վարչական շրջան դարձնել:
«Ես առաջարկում եմ, որ Թայվանի համար հատուկ վարչական գոտի ստեղծվի։ Կարծում եմ` հնարավոր է, որ նրանք կարողանան ավելի լիբերալ պայմանավորվածություններ ձեռք բերել, քան Հոնկոնգի համար»,– նշել է Մասկը։
Նրա խոսքով` գաղափարը ոչ բոլորին դուր կգա։
