«Չէ՞ որ բացի Ուկրաինայից, հակամարտություններ են ծագում նաև հետխորհրդային տարածքի այլ պետությունների միջև». Պուտին
ԱՊՀ երկրների ղեկավարների ոչ պաշտոնական հանդիպմանը ՌԴ նախագահ Վլադիմիր Պուտինը հայտարարել է, որ ԱՊՀ տարածքում հակամարտությունները լուծելու համար անհրաժեշտ է միջոցներ ձեռնարկել: Տեղեկատվությունը հաղորդում է ՏԱՍՍ-ը։
«Կքննարկենք ԱՊՀ տարածքում անվտանգության հետ կապված խնդիրները։ Չէ՞ որ, բացի Ուկրաինայից, որտեղ իրոք ողբերգական իրադարձություններ են ծավալվում, ցավոք, հակամարտություններ են ծագում նաև հետխորհրդային տարածքի այլ՝ մոտ պետությունների միջև։ Դա, անխոս, պահանջում է դրանց լուծմանն ուղղված միջոցառումների մշակում»,- ասել է Պուտինը։
