ՏԵՍԱՆՅՈՒԹ․ Ադրբեջանի ագրեսիան պետք է դատապարտվի առանց սահմանափակումների․ Եվրախորհրդարանի պատգամավոր

«Եթե մենք դատապարտում ենք Ռուսաստանի ագրեսիան Ուկրաինայում, ապա չպետք է լինեն երկակի ստանդարտներ, Ադրբեջանի ագրեսիան Հայաստանի դեմ պետք է դատապարտվի առանց սահմանափակումների», - Եվրախորհրդարանի պատվիրակության անունից հայտարարություն է արել Եվրախորհրդարանի պատգամավոր Նատալի Լոիզոն` «Վերանորոգվող Եվրոպան» խմբի շրջանակներում անդրադառնալով Հայաստանի դեմ Ադրբեջանի ագրեսիային։ 

Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:

Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ է սահմանվել, որը պարբերաբար խախտում է ադրբեջանական կողմը։

Հայաստանի դեմ ադրբեջանականհարձակման հետևանքով հայկական կողմն ունի 201 զոհ, որից 197-ը զինծառայողներ են, իսկ 4-ը` քաղաքացիական անձինք։