ՏԵՍԱՆՅՈՒԹ. Արդարադատության նախարարի տեղակալը` ադրբեջանցիների կողմից հայ ռազմագերիների գնդակահարության մասին

Արդարադատության նախարարի տեղակալ Գրիգոր Մինասյանը, ով կատարում է նախարարի պարտականությունները` վերջինիս արձակուրդում գտնվելու պատճառով, լրագրողների հետ զրույցում անդրադառնալով տեսանյութին, որտեղ ադրբեջանցիները գնդակահարում են հայ ռազմագերիներին, տեղեկացրեց, որ տեսանյութը նոր է, և գործիքակազմեր են կիրառվում՝ դիմելու ՄԻԵԴ և միջազգային արդարադատության դատարան։ 

Հարցին, թե արդյոք իրավիճակի փոփոխություն կլինի դատապարտող հայտարարություններից հետո, Մինասյանը պատասխանեց՝ ամեն գնով հասնելու են նրան, որ բացի հայտարարությունները, նաև ռեալ գործիքակազմեր կիրառվեն ու մեղավորները դատապարտվեն։ 

«Այս տեսանյութը և վերջին ամիսներին տեղի ունեցած իրադարձությունները ցույց են տալիս, որ խաղաղությունը պետք է ժողովրդին, բոլորիս է պետք, իսկ այդ տեսանյութը ցույց է տալիս, որ անելիքները շատ են այս ուղղությամբ։

Սա ապացուցում է, որ օր առաջ մեր երկրին խաղաղություն է պետք»,- նշեց Մինասյանը։ 

Մանրամասները` տեսանյութում: