Երևան 6°C

USD - 395.53 EUR - 393.43 RUB - 6.42

1 միլիարդ դոլարի չափով նոր ռազմական օգնության փաթեթ ԱՄՆ-ից Ուկրաինային. Bloomberg

 ԱՄՆ-ը այսօր՝ սեպտեմբերի 28-ին, կհայտարարի Ուկրաինային 1 միլիարդ դոլարի ռազմական օգնության նոր փաթեթ տրամադրելու մասին:

Այս մասին հայտնել Է Bloomberg գործակալությունը՝ վկայակոչելով երկու աղբյուր:

 

Ուկրաինայի անվտանգության աջակցման նախաձեռնության (Ukraine Security Assistance Initiative, USAI) շրջանակներում տրվող գումարով Կիևը կկարողանա զենք և ռազմական սարքավորանք ձեռք բերել ամերիկյան պաշտպանական կապալառուներից, հայտնել են գործակալության աղբյուրները:

Այսպիսով, Վաշինգտոնի կողմից Կիևին ցուցաբերված ռազմական օգնության ընդհանուր ծավալը 2021 թվականի հունվարից հասնում է 16 միլիարդ դոլարի, ընդ որում՝ այդ գումարի մեծ մասը ուղարկվել Է փետրվարի 24-ից հետո, նշում Է Bloomberg-ը:

Reuters գործակալության տեղեկատվությամբ էլ՝ փաթեթը նաև կներառի HIMARS համազարկային կրակի ռեակտիվ համակարգեր, անօդաչուների դեմ պայքարի միջոցներ, ռադիոտեղորոշման համակարգեր ու պահեստամասեր:

Տեսանյութ