ՏԵՍԱՆՅՈՒԹ. Սա հարձակում էր Հայաստանի ինքնիշխանության և տարածքային ամբողջականության նկատմամբ. Փաշինյանը` ՄԱԿ-ում
Ապացույցներ կան գերեվարված զինվորների նկատմամբ խոշտանգումների, արտադատական մահապատիժների և դիակների պղծման մասին, այդ թվում՝ կին զինվորների։ Այս մասին հայտնել է վարչապետ Նիկոլ Փաշինյանը` ՄԱԿ-ում ելույթ ունենալիս։
«Նման վայրագությունները տասնամյակներ շարունակվող քաղաքականության ուղղակի արդյունք են՝ ադրբեջանական հասարակության մեջ հայերի նկատմամբ ատելություն սերմանելու», ասել է նա։
Փաշինյանի խոսքով` սա ուղղակի հարձակում էր Հայաստանի ինքնիշխանության և տարածքային ամբողջականության դեմ։
«Ադրբեջանը միտումնավոր հարձակվել է խաղաղ բնակչության և քաղաքացիական ենթակառուցվածքների վրա»,- ասել է նա։
