ՏԵՍԱՆՅՈՒԹ. Երիտասարդները տաքսիներով հասնում են Լարս ու փորձում ոտքով հատել սահմանը. իրավիճակը` անցակետում

 Այսօր վաղ առավոտյան Auroranews.am-ն ահազանգ ստացավ Վերին Լարսում գտնվող և հերթում սպասող հայերից, այն մասին, որ արդեն մի օր է չեն կարողանում հատել Ռուսաստան-Վրաստան սահմանը և վերադառնալ Հայաստան։

 Քիչ առաջ էլ խոսեցինք այնտեղ գտնվող հայերի հետ, ովքեր հայտնեցին, որ հերթն այնքան շատ է, որ մեքենաների տեղաշարժ գրեթե չկա։ Հայտնել էինք, որ Auroranews-ի ձեռքի տակ եղած տվյալների համաձայն՝ սահմանային անցակետը փակ չէ, պարզապես ռուսական կողմը խիստ ստուգումներ է իրականացնում, քանի որ մասնակի մոբիլիզացիայի մասին հայտարարելուց հետո շատերը փորձում են լքել ՌԴ տարածքը։

 Տեսանյութում պատմում են կիլոմետրերով հերթերի մասին, ինչպես նաև այն մասին, որ երիտասարդներին տաքսիներով իջեցնում են անցակետին մոտ տարածքում, որպեսզի կարողանան շուտ հատել սահմանը։