ՏԵՍԱՆՅՈՒԹ. Ուկրաինական ուժերը պայթեցրել են Բերդյանսկի պարետի մեքենան
Բերդյանսկի պարետ Արտեմ Բարդինի մեքենան պայթեցվել է քաղաքի կենտրոնում՝ ռազմաքաղաքացիական վարչակազմի շենքի մոտ, հայտնում է քաղաքապետարանի Telegram ալիքը։ Բարդինը ծանր վիճակում հոսպիտալացվել է, գրում է ТБК-ն:
Պայթյունից վնասվել են նաև երեք քաղաքացիական մեքենաներ, որոնց ներսում ոչ ոք չի եղել։ Տեղի իշխանությունները կատարվածի համար մեղադրել են «Կիևի ռեժիմի ահաբեկիչներին»։
Ավելի վաղ Զապորոժիեի մարզի պետական վարչակազմի ղեկավար Վլադիմիր Ռոգովը հայտարարել էր Բերդյանսկի կենտրոնում պայթյունի մասին։
Ռուսական РИА Новости պետական գործակալությունը՝ վկայակոչելով տեղի իշխանություններին, պարզաբանել է, որ քաղաքային հրամանատարի մեքենան պայթեցրել են, որից հետո փոխհրաձգություն է տեղի ունեցել, և առնվազն մեկ մարդ հայտնվել է հիվանդանոցում։
