ՏԵՍԱՆՅՈՒԹ. Սարսափ և բղավոցներ. Հնդկաստանում ատրակցիոնն ընկել է15 մետր բարձրությունից, կան տուժածներ
Հնդկաստանի Փենջաբ նահանգի Մոհալի քաղաքում ատրակցիոնի վթարի հետևանքով, ըստ նախնական տվյալների, տուժել է 18-ից 20 մարդ։ Այս մասին հայտնում է տեղական Oneindia պորտալը։ Ատրակցիոնի պտտվող հատվածը, որի կազմում երեխաներ են եղել, ընկել է ավելի քան 15 մետր բարձրությունից։
Լրատվամիջոցները մանրամասնում են, որ տասը մարդ ծանր վնասվածքներ է ստացել, նրանք հոսպիտալացվել են։ Համացանցում հրապարակված կադրերում պարզ երևում է, որ հսկայական բարձրության ճոճանակը սկզբում բարձրանում է, ինչպես որ պետք է, պտտվելով, իսկ հետո, աստիճանաբար իջնելու փոխարեն, կտրուկ ընկնում է։ Աթոռներին նստած կանայք, տղամարդիկ և երեխաները հարվածից դուրս են թռչում դրանց միջից։
