ՏԵՍԱՆՅՈՒԹ. Ինչպես են ուժայինները ձերբակալում Զապորոժիեի ատոմակայանում ահաբեկչություն ծրագրած զինյալներին
Համացանցում է հայտնվել ուկրաինացի դիվերսանտների ձերբակալության տեսանյութը, ովքեր ահաբեկչություն էին նախապատրաստում Զապորոժիեի ատոմակայանի տարածքում, գրում է Kp.ru-ն:
Կադրերում երեւում է ուժայինների աշխատանքը, որոնք ներխուժում են սենյակ, որտեղ գտնվում էին դիվերսանտները։ Ձերբակալման ընթացքում հայտնաբերվել և առգրավվել են AK-74 ավտոմատներ, NLAW նռնականետեր, նռնակներ, ինքնաշեն պայթուցիկ սարքեր և անօդաչու թռչող սարք։ Բացի այդ, հարձակվողներն ունեցել են Էներգոդարի քարտեզներ, որտեղ գտնվում է ԱԷԿ-ը։
Նշենք, որ Էներգոդարում իրավապահները ձերբակալել են մի խումբ ուկրաինացի դիվերսանտների, ովքեր ահաբեկչություն էին նախապատրաստում Զապորոժիեի ատոմակայանում։ Այս մասին տեղեկություն է տարածել Զապորոժիեի շրջանի ռազմաքաղաքացիական վարչակազմի (ՌԱԿ) գլխավոր խորհրդի անդամ Վլադիմիր Ռոգովը։ Նա նշել է, որ դիվերսիոն խմբի կալանավորումը եւս մեկ անգամ ցույց է տալիս Կիեւի ռեժիմի ահաբեկչական բնույթը։ Նախնական տվյալներով՝ դիվերսանտների աշխատանքն անմիջականորեն վերահսկել են ուկրաինական հատուկ ծառայությունների ներկայացուցիչները։
