Կարմիր գծերը խախտողների հեռախոսահամարներին հաղորդագրություններ կուղարկվեն
Երևանի քաղաքապետարանից հայտնում են, որ կարմիր գծերը խախտողների հեռախոսահամարներին հաղորդագրություններ կուղարկվեն:
Համայնքը նախանշում է իրավախախտման մասին ծանուցման ևս մեկ գործիք ունենալ: Քաղաքապետարանն առայժմ ծանուցումն ապահովում է փոստով կամ «Ազդարար» կայքով: Քաղաքապետ Հրաչյա Սարգսյանն այսօր` օգոստոսի 29-ի աշխատանքային խորհրդակցության ժամանակ հայտնել է, որ համայնքի նպատակն ամենևին էլ քաղաքացիներին տուգանելը չէ, այլ խախտման պարագայում ծանուցման ևս մեկ՝ մատչելի տարբերակի ստեղծումը:
