ՏԵՍԱՆՅՈՒԹ. Ջրի տակ անցած տներ, զոհեր. Սոչին՝ ջրհեղեղից հետո
Ջրհեղեղը Սոչիի փողոցները վերածել է ավտոգերեզմանոցի: Այս մասին գրում է Readovka-ն:
Սոչիի իշխանությունների տվյալներով՝ հեղեղումները վնասել են առնվազն 122 մեքենա։ Սոչիի բնակիչների՝ ցանցում հրապարակած տեսանյութերում մեքենաներն ամենուր գլխիվայր շրջված են, որոշ դեպքերում երևում են մեքենաների ամբողջ սարեր՝ իրար վրա ընկած։
Բացի այդ, եղանակային վատ պայմանների պատճառով ջրի տակ է հայտնվել 22 տուն։ Հստակեցվում է նաև ջրհեղեղի հետևանքով զոհված ևս մեկ անձի մասին տեղեկությունը։ Փրկարարները շարունակում են փլատակների մաքրման աշխատանքները։
Ավելի վաղ Սոչիում հայտնել էին ջրհեղեղի հետևանքով առնվազն մեկ զոհի մասին։ Դոնսկայա փողոցում կենդանության նշաններ չունեցող կնոջ էին գտել:
