Թեհրանում ձերբակալվել է համաշխարհային բազմաթիվ կինոմրցանակների դափնեկիր, ռեժիսոր և իրանական ընդդիմության առաջնորդ Ջաֆար Փանահին: Mehr լրատվական գործակալությունը հայտնել է, որ նա ձերբակալվել է Իրանի դատախազությունում, որտեղ եկել էր ցուցմունք տալու մեկ այլ ռեժիսորի՝ նախկինում ձերբակալված Մոհամմադ Ռասուլոֆի գործով։ 

Փանահին դարձավ վերջին շաբաթվա ընթացքում երկրում ձերբակալված երրորդ կինոռեժիսորը։

62-ամյա Ջաֆար Փանահին աշխարհի ամենահայտնի իրանցի ռեժիսորներից է։ Նա բազմաթիվ մրցանակներ է ստացել ֆիլմերի համար, որում քննադատվում է ժամանակակից Իրանը։