ՏԵՍԱՆՅՈՒԹ. Մահացու կրակոց. Սինձո Աբեն շրջվել է դեպի կրակողը. մանրամասներ

Տեսանյութ է հայտնվել Ճապոնիայի նախկին վարչապետ Աբեի վրա մահացու կրակոցի պահից։ Առաջին գնդակն անցել է կողքով, երկրորդը դարձել է քաղաքական գործչի համար ճակատագրական։

Կադրերում երևում է, թե ինչպես է Աբեն առաջին կրակոցից հետո շրջվել դեպի կրակողը։ Նա անմիջապես ստացել է երկրորդ գնդակը եւ ընկել գետնին՝ կորցնելով գիտակցությունը։ Այդ պահին անվտանգության աշխատակիցներն արդեն վնասազերծում էին հարձակվողին։ 

Հիշեցնենք, որ ճապոնական Նարա քաղաքում իր նախընտրական ելույթի ժամանակ քաղաքական գործչի վրա երկու անգամ կրակել է նախկին զինվորական նավաստի Տեցույա Յամագամին՝ ինքնաշեն զենքից: Վերջինս նշել է, թե դժգոհ է Աբեի քաղաքական հայացքներից: Ավելի ուշ Ճապոնիայի նախկին վարչապետը մահացավ հիվանդանոցում: