Պուտինը Բելառուսին կհանձնի «Իսկանդեր-Մ» հրթիռային համակարգերը

Առաջիկա ամիսներին Ռուսաստանի Դաշնությունը Բելառուսին կփոխանցի «Իսկանդեր-Մ» համալիրները, որոնք կարող են կիրառել ինչպես բալիստիկ, այնպես էլ թևավոր հրթիռներ։ Այս մասին հայտարարել է ՌԴ նախագահ Վլադիմիր Պուտինը՝ բացելով ռուս-բելառուսական բանակցությունները։ 

«Ինչպես պայմանավորվել էինք, դուք բարձրացրել եք հարցը, մենք որոշում ենք կայացրել, առաջիկա մի քանի ամիսների ընթացքում Բելառուսին կփոխանցենք «Իսկանդեր-Մ» մարտավարական հրթիռային համակարգերը, որոնք, ինչպես գիտեք, կարող են կիրառել և՛ բալիստիկ, և՛ թեւավոր հրթիռներ»,- ասել է Պուտինը։