Ռուսաստանի դեմ պատժամիջոցներից տուժում է ողջ աշխարհը․ Bloomberg
Ռուսաստանի դեմ արևմտյան պատժամիջոցներն անարդյունավետ են և համաշխարհային սով են հրահրում, այս մասին գրում է Bloomberg-ի հոդվածագիր Պանկաջ Միշրան։
Նրա կարծիքով՝ ԱՄՆ-ը և նրա դաշնակիցները սահմանափակող միջոցներ են կիրառել Մոսկվայի դեմ՝ հաշվի չառնելով դրա հետևանքները այլ երկրների համար։
«Իհարկե, ոչ համակարգված քայլերը, որոնք հիմնված են հիմնականում սեփական շահերի վրա, միշտ դատապարտված են եղել ձախողման»,- ասել է Միշրան։
Նյութի հեղինակը կարծում է, որ Արեւմուտքին չի հաջողվել պատժամիջոցների օգնությամբ ճնշում գործադրել Ռուսաստանի վրա։
«Անարդյունավետ, նույնիսկ թույլ ռեժիմների դեմ, ինչպիսին է Կուբան, պատժամիջոցները, ինչպես և սպասվում էր, չկարողացան կանգնեցնել Ռուսաստանի առաջնորդին, մինչդեռ միլիարդավոր մարդկանց ամբողջ աշխարհում ենթարկեցին գնաճի և սովի»,- բացատրել է հրապարակախոսը։
ՄԱԿ-ը բազմիցս հայտարարել է հացահատիկի դեֆիցիտի պատճառով պարենային ճգնաժամի սպառնալիքի մասին, Արևմուտքը մեղադրել է Ռուսաստանին համաշխարհային շուկաներ ուկրաինական հացահատիկի մատակարարմանը հակազդելու մեջ, իսկ Մոսկվան կտրականապես մերժել է նման մեղադրանքները։
