Զախարովան՝ հայ-ադրբեջանական սահմանի սահմանազատման մասին
Ռուսաստանը պատրաստ է խորհրդատվական աջակցություն ցուցաբերել հայ-ադրբեջանական սահմանի սահմանազատման հանձնաժողովների աշխատանքներին։ Մոսկվայի տրամադրության տակ անհրաժեշտ քարտեզագրական նյութեր կան։ Ճեպազրույցում հայտնել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան:
«Դա գրանցվել է Սոչիի 2021 թվականի նոյեմբերի 26-ի գագաթնաժողովի ավարտին երեք երկրների ղեկավարների հայտարարություններում ու բազմիցս հաստատվել է բոլոր շփումների ընթացքում»,- ասել է Զախարովան:
Նրա խոսքով՝ Ռուսաստանը եզակի փաստական ներուժ ունի հետխորհրդային տարածքում սահմանազատման ու սահմանային վեճերի կարգավորման հարցում: Մոսկվայի տրամադրության տակ անհրաժեշտ քարտեզագրական նյութեր կան։ Ռուս գործընկերներն ուրախ կլինեն իրենց փորձով օգնել հայ և ադրբեջանցի բարեկամներին հանձնաժողովի աշխատանքներում:
«Խորհրդատվական աջակցություն ցուցաբերելու համար ռուս փորձագետների թիմն արդեն ձևավորվել է», - ասել է վերջինս:
