Բեռլինն առաջին 15 «Գեպարդ» տանկերը Ուկրաինա կմատակարարի հուլիսին. Գերմանիայի ՊՆ
Գերմանիան առաջին 15 «Գեպարդ» տանկերը Ուկրաինա կմատակարարի հուլիսին, ուրբաթ օրը ասել է Բեռլինում պաշտպանության նախարարության խոսնակը՝ հաստատելով լրատվամիջոցների հաղորդագրությունը։ Այս մասին գրում է Reuters-ը:
«Գերմանիայի պաշտպանության նախարար Քրիստին Լամբրեխտը տեսահոլովակի միջոցով պայմանավորվել է իր ուկրաինացի գործընկեր Ալեքսեյ Ռեզնիկովի հետ»,- հավելել է նա։
Ապրիլի վերջին Գերմանիան հայտարարեց, որ առաջին անգամ Կիևին կմատակարարի ծանր սպառազինություն, մասնավորապես՝ Գեպարդ հակաօդային պաշտպանության տանկեր, այն բանից հետո, երբ քննադատները Բեռլինին մեղադրեցին Կիև ծանր սպառազինության մատակարարումը հետաձգելու մեջ։
Այդ ժամանակից ի վեր Գերմանիան նաև յոթ ինքնագնաց հաուբից է նվիրաբերել Կիևին և սկսել է ուկրաինական զորքերին ուսուցանել, թե ինչպես օգտագործել դրանք:
