Դելիում հրդեհ է եղել. կան զոհեր ու վիրավորներ

Հնդկաստանի մայրաքաղաք Դելիում հրդեհի հետևանքով զոհվել է 26 մարդ: Այս մասին հայտնում է NDTV հեռուստաալիքը՝ հղում անելով մայրաքաղաքի ոստիկանությանը: Ավելի քան 40 մարդ այրվածքներով հոսպիտալացվել է: 

Հրդեհը բռնկվել է քաղաքի արևմուտքում գտնվող կոմերցիոն շենքում: Ոստիկանության հաղորդմամբ՝ շենքից դուրս է բերվել մոտ 70 մարդ: Զոհերի և վիրավորների թիվը կարող է աճել, քանի որ հրշեջ-փրկարարները դեռևս չեն հասցրել աշխատանքներ իրականացնել ևս մեկ հարկում: Հրդեհի բռնկման պատճառը դեռևս հայտնի չէ: 

Հնդկաստանի նախագահը ցավակցություն է հայտնել զոհերի ընտանիքներին, շուտափույթ ապաքինում մաղթել տուժածներին: